Çempionlar Liqası: kim haradan başlayır?
Novator.az 2018-2019 mövsümündə UEFA Çempionlar Liqasına qatılacaq komandaların ilkin siyahısına nəzər salıb.
Turnirin reqlamentinə görə, 26 komanda qrup raunduna birbaşa çıxır, qalan 6 vəsiqənin taleyinə seçmə raundlarda aydınlıq gəlir.
Yarışa ilkin təsnifat mərhələsindən başlayacaq komandalardan hələlik biri məlumdur: “Santa Koloma” (Andorra).
Çempionlar Liqasına 1-ci raunddan qoşulacaq komandaların ilkin tərkibi belədir: “Ludoqorets” (Bolqarıstan), “Seltik” (Şotlandiya), APOEL (Kipr), “Astana” (Qazaxıstan), “Qarabağ” (Azərbaycan), “Şerif” (Moldova), “Malmö” (İsveç), “Srvena Zvezda” (Serbiya), “Hapoel” (Beer-Şeva, İsrail), “Rusenborq” (Norveç), HİK (Finlandiya), “Nyu Sents” (Uels), “Kukesi” (Albaniya), “Zrinski” (Bosniya), “Şkendiya” (Makedoniya), “Düdelanj” (Lüksemburq), “Spartak” (Slovakiya), “Valletta” (Malta), “Vikinqur” (Farer adaları), “Kruzeyders” (Şimali İrlandiya), “Sutyeska” (Monteneqro), “Suduva” (Litva), “Kork Siti” (İrlandiya), “Spartaks” (Latviya), “Valyur” (İslandiya), “Flora” (Estoniya), “Torpedo” (Gürcüstan).
Turnirə 2-ci raundda qoşulacaq bu komandalar məlumdur: BATE (Belarus), “Dinamo” (Xorvatiya), “Bazel” (İsveçrə), “Ayaks” (Hollandiya), PAOK (Yunanıstan), “Şturm” (Avstriya).
3-cü raundda bu komandalar var: “Zalsburq” (Avstriya), AEK (Yunanıstan), “Benfika” (Portuqaliya), “Dinamo” (Ukrayna), “Spartak” (Moskva, Rusiya).
Sonuncu ələmə mərhələsi olan 4-cü raundda bu komandalar start götürür: PSV (Hollandiya), “Yanq Boyz” (İsveçrə).
Qrup raundunda rəqiblərini İspaniyanın “Barselona”, “Atletiko”, “Real”, “Valensiya”, Almaniyanın “Bavariya”, “Şalke”, “Hoffenhaym”, “Borussiya” (Dortmund), İngiltərənin “Mançester Siti”, “Mançester Yunayted”, “Tottenhem”, “Liverpul”, İtaliyanın “Yuventus”, “Napoli”, “Roma”, Fransanın PSJ, Rusiyanın “Lokomotiv” (Moskva), SSKA, Portuqaliyanın “Portu”, Ukraynanın “Şaxtyor”, Belçikanın “Brügge”, Çexiyanın “Viktoriya” komandaları gözləyir.
