Binəqədinin icra başçısı vəzifədən getdi
Mayın 17-də prezident İlham Əliyev sərəncam imzalayaraq Xaləddin İsgəndərovu Binəqədi Rayon İcra Hakimiyyətinin başçısı vəzifəsindən çıxarıb.
Novator.az bildirir ki, İsgəndərov Xaləddin Şahmar oğlu 1962-ci ildə Goranboy rayonunda anadan olub. 1984-ci ildə Azərbaycan Xalq Təsərrüfatı İnstitutunun əmtəəşünaslıq fakültəsini bitirib.
Qubadlı Rayon İstehlak Cəmiyyətinin sədr müavini olub, Abşeron rayonunda təsərrüfat hesablı univermaqda əmtəəşünas, Xızı Rayon İstehlak Cəmiyyətində şöbə müdiri vəzifələrində işləyib.
1992-2001-ci illərdə “Azər” təsərrüfat hesablı müəssisənin direktoru vəzifəsində çalışıb.
2001-2003-cü illərdə Bakı Şəhər İcra Hakimiyyətində böyük referent vəzifəsini, 2003-2012-ci illərdə vergi orqanlarında müxtəlif rəhbər postlar tutub.
26 aprel 2012-ci ildən Binəqədi Rayon İcra Hakimiyyətinin başçısı idi.
