Turistlər Gürcüstanda nə qədər pul xərcləyir?
2017-ci ildə Gürcüstana 7,9 milyon əcnəbi səfər edib. Novator.az-ın məlumatına görə, Milli Statistika Xidməti bildirir ki, turistlərin sayı 2016-cı illə müqayisədə 17,7% artıb.
Gürcüstana gedənlərin 3,1 milyonu paytaxt Tbilisini, 1,9 milyonu isə Acarıstan vilayətini ziyarət edib.
Ötən il turistlər Gürcüstanda 5,8 milyard lari (4 milyard manatdan çox) pul xərcləyib. 2016-cı ilə nisbətdə 31,6% artım var.
2017-ci ildə Gürcüstana ən çox Azərbaycandan gedən olub: 967 min 600 nəfər. Bu, ölkəyə səfər edənlərin ümumi sayının 18,9%-nə bərabərdir.
Novator.az xatırladır ki, rəsmi hesabata görə, 2017-ci ildə Azərbaycana 187 ölkədən 2 milyon 696,7 min və ya əvvəlki illə müqayisədə 19,9 faiz çox əcnəbi və vətəndaşlığı olmayan şəxs gəlib.
Səidə Hüseynova
