Dörd ayın xarici ticarət hesabatı
2018-ci ilin ilk dörd ayında Azərbaycanın ticarət əməliyyatlarının həcmi 8 milyard 677,9 milyon dollar olub. Novator.az-ın məlumatına görə, Dövlət Gömrük Komitəsinin rəsmi hesabatında ixracın həcmi 5 milyard 651,9 milyon dollar, idxalın həcmi 3 milyard 26 milyon dollar göstərilir.
Hesabata əsasən, yanvar-aprel aylarında 153 ölkə ilə ticarət əməliyyatı aparılıb, gömrük orqanları büdcəyə 1 milyard 27,6 milyon manat ödəyib.
2018-ci ildə Dövlət Gömrük Komitəsinin xətti ilə büdcəyə 2 milyard 430 milyon manat daxil olması nəzərdə tutulur.
