Yeni hökumətin yaş kağızı
Ermənistanın yeni baş naziri Nikol Paşinyan 1975-ci ildə doğulub. Novator.az bildirir ki, baş nazirin birinci müavini Ararat Mirzoyan 1979-cu il təvəllüdlüdür. Baş nazirin müavinlərinə gəlincə, Tiqran Avinyan 1989-cu ildə, Mger Qriqoryan 1972-ci ildə anadan olublar.
Yeni hökumətdə ən gənc nazir diaspor naziri Mxitar Ayrapetyandır. O, 1990-cı ildə dünyaya gəlib.
Ən yaşlı nazir 1966-cı il təvəllüdlü xarici işlər naziri Zöhrab Mnasakanyandır.
Digər nazirlərin təvəllüdləri belədir:
Suren Papikyan, ərazi idarəçiliyi və inkişafı naziri: 1986-cı il
Levon Vaqradyan, gənclər və idman naziri: 1984-cü il
Lilit Makunts, mədəniyyət naziri: 1983-cü il
Arsen Torosyan, səhiyyə naziri: 1982-ci il
Qraçya Rostamyan, fövqəladə hallar naziri: 1981-ci il
Araik Arutyunyan, elm və təhsil naziri: 1979-cu il
Erik Qriqoryan, təbiəti mühafizə naziri: 1979-cu il
Mane Tandilyan, əmək və sosial məsələlər naziri: 1978-ci il
Arsvik Minasyan, iqtisadi inkişaf və investisiyalar naziri: 1972-ci il
Artur Xaçatryan, kənd təsərrüfatı naziri: 1972-ci il
Atom Cancuqazyan, maliyyə naziri: 1971-ci il
Artak Zeynalyan, ədliyyə naziri: 1969-cu il
Artur Qriqoryan, enerji infrastrukturu və təbii sərvətlər naziri: 1969-cu il
Aşot Akobyan, nəqliyyat, rabitə və informasiya texnologiyaları naziri: 1968-ci il
David Tonoyan, müdafiə naziri: 1967-ci il.
Vətəndaş Sazişi Partiyasının sədri olan Nikol Paşinyan mayın 8-dən baş nazirdir.
Novator.az xatırladır ki, Azərbaycanın Nazirlər Kabinetinin ən cavan üzvləri əmək və əhalinin sosial müdafiəsi naziri Sahil Babayev və Dövlət Miqrasiya Xidmətinin rəisi Vüsal Hüseynovdur. Onların hər ikisi 1980-ci ildə anadan olub.
Hökumətdə ən yaşlı şəxs baş nazirin müavini Hacıbala Abutalıbovdur. O, 1944-cü ildə doğulub.
Baş nazirin müavini Yaqub Eyyubov 1945-ci il, Əqli Mülkiyyət Agentliyinin İdarə Heyətinin sədri Kamran İmanov 1946-cı il, baş nazir Novruz Məmmədov 1947-ci il, baş nazirin müavini Əli Həsənov və daxili işlər naziri Ramil Usubov 1948-ci il, müdafiə sənayesi nazir Yavər Camalov 1949-cu il təvəllüdlüdür.
