Maaşlar necə artıb?
Mayın 1-dən Milli Məclis sədrinin aylıq vəzifə maaşı 2475 manata qaldırılıb. Novator.az bildirir ki, deputatın statusunu tənzimləyən qanun Milli Məclis sədrinin maaşında artımın müəyyən faizlərlə sədrin müavinlərinə, komitə və komissiya rəhbərlərinə, onların müavinlərinə, həmçinin deputatlara tətbiqini nəzərdə tutur. Yeniliyə görə, mayın 1-dən parlamentdə maaşlar belədir:
Milli Məclis sədrinin birinci müavini – 2227 manat
sədrin müavinləri – 2103 manat
komitə və komissiya sədrləri – 1980 manat
komitə və komissiya sədrlərinin müavinləri – 1856 manat
deputatlar – 1732 manat.
Mayın 1-dən Ali Məhkəmə sədrinin maaşı 2280 manata, Konstitusiya Məhkəməsi sədrinin maaşı 2335 manata qaldırılıb. Bu artımlar hakimlərin də maaşının yüksəlməsi deməkdir.
İnsan hüquqları üzrə müvəkkilin (ombudsmanın) maaşı isə mayın 1-dən 2230 manat olub.
