Yaxın ölkələrdə pensiya yaşı

Son rəsmi məlumata görə, Azərbaycanda 1 milyon 313 min nəfər əmək pensiyası alır. Pensiyaların orta aylıq məbləği 218 manatdır.

2017-ci il iyulun 1-dən ölkədə kişi və qadın üçün pensiya yaşı 65-ə qaldırılıb. Bu müddət mərhələli şəkildə tətbiq olunur. Kişi üçün nəzərdə tutulan 63 yaş həddi 2021-ci il iyulun 1-dək, qadın üçün nəzərdə tutulan 60 yaş həddi 2027-ci il iyulun 1-dək hər il 6 ay artırılacaq.

Novator.az bildirir ki, keçmiş SSRİ məkanının daha iki ölkəsində – Latviya və Estoniyada kişi və qadın üçün pensiya yaşı 65-dir.

Litvada qadın 61 yaşda, kişi 63 yaşda pensiyaya yola salınır.

Moldova qadın üçün 57,5 yaş, kişi üçün 63 yaş variantını seçib.

Ukraynada qadın və kişinin pensiya yaşı 60-dır.

Belarusun pensiya qanununda qadın üçün 56 yaş, kişi üçün 61 yaş həddi müəyyən edilib.

Rusiyada qadın 55 yaşda, kişi 60 yaşda pensiyaya göndərilir.

Ermənistanda hər iki cins pensiyaya 63 yaşda çıxır.

Gürcüstanda pensiya müddəti qadın üçün 60 yaşda, kişi üçün 65 yaşda başlayır.

Mərkəzi Asiya bölgəsində pensiya həddi belədir:

Qazaxıstan – qadın: 58 yaş, kişi: 63 yaş

Özbəkistan – qadın: 55 yaş, kişi: 60 yaş

Türkmənistan – qadın: 57 yaş, kişi: 62 yaş