32 sahibkar kredit aldı
İqtisadiyyat Nazirliyinin Sahibkarlığa Kömək Milli Fondu mayın 11-i Şəmkirdə işgüzar forum keçirib. Rəsmi məlumata görə, forumda Gəncə-Qazax iqtisadi rayonunda fəaliyyət göstərən 32 sahibkara 1,9 milyon manat güzəştli kredit verilib. Kreditlərin balıq istehsalı və emalı müəssisəsinin yaradılmasına, bağçılıq, tərəvəzçilik, heyvandarlıq sahələrinin inkişafına yönəldiləcəyi, investisiya layihələrinin reallaşdırılması hesabına 350-dən çox yeni iş yerinin açılması imkanı yaranacağı bildirilir.
Sahibkarlığa Kömək Milli Fondunun icraçı direktorunun müavini Arif Vəliməmmədov bildirib ki, indiyədək Şəmkir rayonundan olan 1100 sahibkar 63,7 milyon manat güzəştli kredit alıb.
