Sutkalıq neft hasilatı açıqlanıb
Aprel ayında Azərbaycanın sutkalıq neft hasilatı 785,7 min barrel olub. Energetika Nazirliyindən AZƏRTAC-a bildirilib ki, bunun 755,7 min barreli xam neft, 30 min barreli kondensat olub. Gündəlik 623,6 min barrel xam neft, 30 min barrel kondensat, 21,7 min barrel neft məhsulları ixrac edilib.
Gündəlik neft hasilatının yanvar ayında 814,6 min barrel, fevral ayında 806 min barrel, mart ayında 794 min barrel olduğu açıqlanıb.
2017-ci ildə ölkədə orta gündəlik neft hasilatı 781,9 min barrel təşkil edib.
Mayın 10-da “AzəriLayt” markalı neftin bir barreli 77,84 dollara satılır.
Azərbaycanın 2018-ci il büdcəsində neftin qiyməti 45 dollar hesablanıb. “AzəriLayt” 2018-ci ildə 69,89 dollarla start götürüb.
