Çempionlar Liqasına düşən komandalar
2018-2019 mövsümündə 26 komanda UEFA Çempionlar Liqasının qrup raunduna birbaşa çıxır. Klub reytinqində 1-4-cü yerləri tutan UEFA üzvlərinin hər birindən 4 komanda, 5-6-cı yerləri tutanların hər birindən 2 komanda, 7-10-cu yerləri tutanların hər birindən 1 komanda, eləcə də Çempionlar Liqası və Avropa Liqasının qalibləri belə hüquq alır.
Qrupa qalan 6 vəsiqənin taleyinə seçmə raundlarda aydınlıq gəlir. 4 vəsiqə çempionlar, 2 vəsiqə digər komandalar üçün nəzərdə tutulur. Çempionlar üçün təsnifat mərhələlərinin sayı 5, digər komandalar üçün 3-dür.
Novator.az bildirir ki, mayın 10-dək İspaniyanın “Barselona”, “Atletiko”, “Real”, “Valensiya”, Almaniyanın “Bavariya”, “Şalke”, İngiltərənin “Mançester Siti”, “Mançester Yunayted”, “Tottenhem”, İtaliyanın “Yuventus”, “Napoli”, Fransanın PSJ, Rusiyanın “Lokomotiv” (Moskva), Portuqaliyanın “Portu” komandalarının turnirə qrupdan başlaması dəqiqləşib.
“Spartak” (Moskva, Rusiya), “Şaxtyor”, “Dinamo” (Ukrayna), “Viktoriya” (Çexiya), “Bazel” , “Yanq Boyz” (İsveçrə), PSV, “Ayaks” (Hollandiya), AEK, PAOK (Yunanıstan), “Zalsburq” (Avstriya), BATE (Belarus), “Malmö” (İsveç), “Seltik” (Şotlandiya), “Rusenborq” (Norveç), “Qarabağ” (Azərbaycan), “Ludoqorets” (Bolqarıstan), “Srvena Zvezda” (Serbiya), “Astana” (Qazaxıstan), “Spartak” (Slovakiya), “Şerif” (Moldova), “Valyur” (İslandiya), HİK (Finlandiya), “Kork Siti” (İrlandiya), “Zrinski” (Bosniya), “Torpedo” (Gürcüstan), “Spartaks” (Latviya), “Şkendiya” (Makedoniya), “Flora” (Estoniya), “Sutyeska” (Monteneqro), “Kruzeyders” (Şimali İrlandiya), “Suduva” (Litva), “Valletta” (Malta), “Nyu Sents” (Uels), “Vikinqur” (Farer adaları), “Santa Koloma” (Andorra) komandaları da Çempionlar Liqasına vəsiqə alıb.
