Dmitri Medvedyev yenə baş nazir oldu
Mayın 8-də Rusiya Dövlət Duması prezident Vladimir Putinin təqdimatına baxaraq Dmitri Medvedyevi baş nazir postuna təsdiqləyib.
Vladimir Putinin yeni 6 illik hakimiyyət dönəmi mayın 7-də başlayıb. Dövlət başçısı and içərək səlahiyyətlərinin icrasına başlayan kimi hökumət istefaya gedib.
Novator.az bildirir ki, 52 yaşlı Dmitri Medvedyev 1999-cu ildən mərkəzi hakimiyyət orqanlarında çalışır. Hökumət Aparatı rəhbərinin müavini, birinci müavini olub, Prezident Administrasiyasına rəhbərlik edib. 2005-ci ilin noyabrından baş nazirin birinci müavini olub, sonra baş nazir kürsüsünə gətirilib.
2008-2012-ci illərdə Rusiya prezidenti olub, 2012-ci ildə yenidən baş nazir təyin edilib.
Dmitri Medvedyevin sədrlik etdiyi hakim Vahid Rusiya Partiyası 450 yerlik Dövlət Dumasında 343 mandata sahibdir.
Rusiya hökuməti baş nazirdən, onun müavinlərindən, nazirlərdən ibarətdir.
