Baş nazirlik rəsmiləşdi
Mayın 8-də Ermənistan prezidenti Armen Sərkisyan Nikol Paşinyanı baş nazir təyin edib. Bununla yeni hökumətin qurulmasına yol açılıb. Novator.az bildirir ki, hökumət baş nazirin birinci müavinindən, 2 müavinindən və 18 nazirdən ibarət olmalıdır. Təyinatları baş nazirin təqdimatı ilə prezident gerçəkləşdirməlidir.
Vətəndaş Sazişi Partiyasının sədri olan Nikol Paşinyan bu gün parlamentdə baş nazir seçilib. O, 105 deputatı olan Milli Məclisdə 59 nəfərdən dəstək alıb.
Konstitusiyaya görə, Nazirlər Kabineti icra hakimiyyətinin ali orqanı, baş nazir dövlət idarəçiliyinə ümumi rəhbərliyi həyata keçirən ali vəzifəli şəxsdir.
