Havanın başa nə təsiri var?
Aşağı hərarət və miqren (kəskin baş ağrısı) bir-biri ilə əlaqəlidir. Novator.az-ın məlumatına görə, mütəxəssislər bu qənaətə gəlib.
Ekspertlər qeyd edir ki, digər avropalılarla müqayisədə soyuq Şimali Avropa ölkələrinin sakinləri miqrendən daha çox əziyyət çəkir və bu, soyuq reseptoru yaşadan xüsusi genin təsirindəndir.
Alimlərin qənaətinə görə, əvvəllər belə genin mövcudluğu insanların aşağı temperatura uyğunlaşmasını təmin edib. Amma getdikcə miqrenə həssaslıq da artmağa başlayıb.
Mütəxəssislər soyuq reseptorunun iki növü olduğunu və onların müxtəlif ərazilərdə yayıldığını müəyyən ediblər. Orqanizmdə qədimdən aşkar edilmiş genə Afrikada, mutasiya (gen dəyişikliyi) nəticəsində yaranan yeni genə isə Avropada rast gəlinir. Yeni gen finlərin 88%-də, nigeriyalıların isə 5%-də aşkarlanıb.
Tədqiqatçıların fikrincə, genin yeni variantı insanların hələ Afrika qitəsindən dünyaya yayılmasından əvvəl yaranıb. Amma həmin gen daha çox soyuq ölkələrin əhalisində qalıb.
Səidə Hüseynova
