Ermənistanın yeni iqtisadi göstəriciləri
Ermənistanın Milli Statistika Xidməti ölkənin bəzi iqtisadi göstəricilərini açıqlayıb. Novator.az-ın məlumatına görə, bu ilin yanvar-mart aylarında sənaye istehsalının 8,2% artdığı bildirilir.
İlk rübdə xarici ticarət dövriyyəsinin 37,4%, ixracın 34,3%, idxalın 39% yüksəldiyi qeyd olunur.
Rəsmi hesabata əsasən, yanvar-mart aylarında ölkədə ticarət dövriyyəsi 12,9%, əhaliyə göstərilən xidmətlərin həcmi 16,5% yüksəlib.
2017-ci ildə Ermənistanda xarici ticarət dövriyyəsi əvvəlki ilə nisbətən 26,9% qalxmış, ixracda 25,2%, idxalda 27,8% artım olmuşdu.
Ötən il üzrə sənaye istehsalında artımın həcmi 12,6%, ticarət dövriyyəsində artımın həcmi 14%, əhaliyə göstərilən xidmətlərdə artımın həcmi 14,4% göstərilib.
