Dolların sabitliyi iki aya çatdı
Mayın 7-də gürcü larisinin rəsmi məzənnəsi 0,6923, Rusiya rublu 0,0271 manata yüksəlib.
Mərkəzi Bank bir neçə valyutanı ucuzlaşdırıb. Novator.az-ın məlumatına görə, avro 2,0333, ingilis funt sterlinqi 2,3035, türk lirəsi 0,4018 manata düşüb.
ABŞ dollarının kursu isə yenə 1,7 manatdır (Məzənnələr). Bu qiymət martın 7-dən qüvvədədir.
2018-ci ildə ABŞ dollarının maksimal qiyməti 1,7001 manat olub. Manatı qorumaq üçün Dövlət Neft Fondu Mərkəzi Bankın yanvar-aprel aylarında keçirdiyi valyuta hərraclarında 2 milyard 112,8 milyon ABŞ dolları məbləğində vəsait satıb.
Mərkəzi Bankın hesabatına görə, mayın 1-nə valyuta ehtiyatının həcmi 5 milyard 465,8 milyon dollar olub. Aprelin 1-nə valyuta ehtiyatının həcmi 5 milyard 508 milyon dollar idi. Bir ayda valyuta ehtiyatında 42,2 milyon dollar azalma qeydə alınıb.
