Xaçmazda açılışlar
Prezident İlham Əliyev mayın 4-də Xaçmaz rayonuna gedib. Xaçmaz şəhərinin mərkəzində prezidenti qarşılayan icra başçısı Şəmsəddin Xanbabayev rayonda həyata keçirilən layihələr barədə məlumat verib.
İlham Əliyev Çarxı-Qalağan-Hacılar-Xanlıqoba-Sayad-Məmmədxanlı avtomobil yolunun yenidənqurma və bərpadan sonra vəziyyəti ilə tanış olub, sonra “Azərxalça” Açıq Səhmdar Cəmiyyətinin Xaçmaz filialının açılışına qatılıb, filialın kollektivi ilə görüşüb.
AZƏRTAC-ın məlumatına görə, dövlət başçısı Xaçmaz şəhərinin su təchizatı və kanalizasiya sistemlərinin istismara verilməsi mərasimində və “Azərsu” Açıq Səhmdar Cəmiyyətinin Xaçmaz idarəsinin inzibati binasının açılışında da iştirak edib.
Həmçinin prezidentin iştirakı ilə Xaçmaz-Xudat avtomobil yolunun 24 kilometrlik hissəsinin yenidənqurma və bərpadan sonra açılışı olub.
