Valyuta ehtiyatı və pul bazası nə qədər azalıb?
Aprel ayında Mərkəzi Bankın həm valyuta ehtiyatı, həm də pul bazası azalıb. Rəsmi hesabatlar mayın 4-də yayılıb. Novator.az bildirir ki, açıqlamaya görə, mayın 1-nə valyuta ehtiyatının həcmi 5 milyard 465,8 milyon dollar, pul bazasının həcmi 8 milyard 413 milyon manat olub.
Aprelin 1-nə valyuta ehtiyatının həcmi 5 milyard 508 milyon dollar, pul bazasının həcmi 9 milyard 471 milyon manat idi. Bir ayda valyuta ehtiyatında 42,2 milyon dollar, pul bazasında 1 milyard 58 milyon manat azalma qeydə alınıb.
