İlham Əliyev Xızıya baş çəkib
Prezident İlham Əliyev mayın 4-də Xızı rayonuna səfər edib.
AZƏRTAC xəbər verir ki, dövlət başçısı Xızı şəhərində və Altıağac qəsəbəsində içməli su təchizatı sistemlərinin yenidən qurulması və kanalizasiya şəbəkəsinin yaradılması layihəsinin yekunlaşması ilə bağlı mərasimə qatılıb. Azərbaycan hökuməti və Yaponiya Beynəlxalq Əməkdaşlıq Agentliyinin birgə maliyyələşdirdiyi layihə 2030-cu ilə qədər perspektiv inkişaf nəzərə alınmaqla Xızı şəhərində 3300, Altıağac qəsəbəsində isə 1500 nəfərin içməli su və kanalizasiya xidmətlərindən istifadəsinin yaxşılaşdırılmasına hesablanıb. Layihədən 6,3 min nəfər faydalanacaq.
İlham Əliyev başlanğıcını Giləzi-Xızı yolunun 34-cü kilometrliyindən götürən və əsaslı şəkildə yenidən qurulan Fındığan kəndinədək olan yolun açılışını da edib.
