Ermənistanda yeni seçki cəzaları
Mayın 4-də Ermənistan parlamenti Seçki və İnzibati Hüquq Pozuntuları məcəllələrinə dəyişikliklər layihəsini son oxunuşda qəbul edib. Novator.az-ın məlumatına görə, layihə qanunsuz seçkiqabağı təşviqat cəzalarını sərtləşdirir.
Yeniliyə əsasən, dövlət məmurları, həkimlər və müəllimlər, dövlət müəssisələrinin (eləcə də səhmlərinin azı 20 faizi dövlətə məxsus olan müəssisələrin) əməkdaşları məhdud çərçivədə təşviqat apara bilər. Onların iş vaxtı təşviqat aparması və bunun üçün inzibati resursdan istifadəsi yasaqlanır.
Dövlət adamları və ictimai xadimlərdən parlamentin deputatlarına və bələdiyyə üzlərinə təşviqat aparmaq icazəsi verilir. Amma onlara da xidməti resurslardan istifadə qadağan olunur.
Qanun pozuntusuna görə fiziki şəxslərə 100-200 min dram (210-420 ABŞ dolları), vəzifəli şəxslərə isə 200-400 min dram (420-840 dollar) məbləğində cərimə tətbiq ediləcək.
Ermənistanda bəzi kateqoriyadan olan şəxslərin təşviqat aparması tam yasaqdır. Bu kateqoriyaya hərbçilər, hakimlər, xeyriyyə təşkilatlarının, dini qurumların, beynəlxalq təşkilatların nümayəndələri, xarici vətəndaşlar daxildir. Məcəllələrə edilən dəyişiklik nəticəsində onlar üçün cərimənin məbləği daha da yüksəlib: fiziki şəxslərə 200-400 min dram (420-840 dollar), vəzifəli şəxslərə 400-800 min dram (830-1670 dollar).
Səidə Hüseynova
