Çay içmək xeyirlidir, baxır necə…
Çay faydalı içki sayılsa da, onu necə içmək əsasdır. Novator.az-ın məlumatına görə, mütəxəssislərin araşdırması göstərir ki, çayla birlikdə orqanizmə daxil olan bəzi qidalar onun xeyrini heçə endirir.
Ekspertlər çayın tərkibini öldürən ərzaqlara şəkəri (qənd, şəkər tozu), balı, südü, limonu aid edirlər. Çayın limon və balla içilməsi soyuqdəymə zamanı çox xeyirli olsa da, hərarət problem yaradır. Əgər çay istidirsə, limonun tərkibindəki bütün faydalı maddələr puç olur.
Süd çaydakı antioksidantların səviyyəsini azaldır.
Şəkər və çayın birləşməsi isə daha zərərlidir, burada problemi karbohidratlar yaradır.
Pekin Universitetinin bir qrup alimi çayla bağlı araşdırma aparıb. Onlar tədqiqata 50 nəfər cəlb ediblər. Sınaqdan əvvəl iştirakçıların yarısı yarım stəkan su, digər yarısı isə bir fincan qara çay içib. İştirakçılardan tikinti blokları üçün orijinal dizayn və yeni restorana ad fikirləşmək tələb olunub.
Könüllülərin yaradıcılıq qabiliyyətini və təklif etdikləri dizaynı ikinci qrup iştirakçıları dəyərləndirib. Tədqiqat göstərib ki, çay içən birinci qrup yaradıcılığa görə 6,54 bal, su içənlər isə 6,03 bal toplayıb.
Dizayn baxımından da çay içənlər su içənləri üstələyib. Çay içənlər bu sahədə 4,11 bal, su içənlər isə 3,78 bal toplayıb.
Səidə Hüseynova
