Avropa Liqasının 28 qalibi var
Mayın 16-sı Fransanın Lion şəhərində UEFA Avropa Liqasının finalı keçiriləcək. 2017-2018 mövsümünün həlledici oyununda İspaniyanın “Atletiko” və Fransanın “Marsel” komandaları üz-üzə gələcək. “Atletiko” indiyədək 2 dəfə turniri zəfərlə başa vurub.
Novator.az bildirir ki, 1971-ci ildən keçirilən turnirdə daha 27 komandanın titulu var. “Sevilya” (İspaniya) 5 dəfə, “Liverpul” (İngiltərə), “Yuventus”, “İnter” (İtaliya) 3 dəfə, “Tottenhem” (İngiltərə), “Feyenoord” (Hollandiya), “Borussiya” (Mönhenqladbah, Almaniya), “Höteborq” (İsveç), “Real” (İspaniya), “Parma” (İtaliya), “Portu” (Portuqaliya) 2 dəfə turnirin qalibi olublar.
Almaniyanın “Şalke”, “Bavariya”, “Bayer”, “Ayntraxt” (Frankfurt), İngiltərənin “Çelsi”, “İpsviç”, “Mançester Yunayted”, Hollandiyanın PSV, “Ayaks”, Rusiyanın “Zenit”, SSKA, Ukraynanın “Şaxtyor”, İspaniyanın “Valensiya”, Türkiyənin “Qalatasaray”, İtaliyanın “Napoli”, Belçikanın “Anderlext” komandaları 1 yol uğur əldə ediblər.
