“Liverpul” finalda
UEFA Çempionlar Liqasının yarımfinal raundu bitib. Novator.az-ın məlumatına görə, mayın 2-si “Roma” İtaliya paytaxtında İngiltərənin “Liverpul” komandasını 4:2 hesabı ilə yensə də, turnirdən ələnib. İlk oyunda ingilislər rəqibi 5:2 hesabı ilə yenmişdilər.
“Liverpul” mayın 26-sı Ukraynanın paytaxtı Kiyevdə keçiriləcək finalda Madrid “Real”ı ilə üz-üzə gələcək.
1955-ci ildə yaradılmış, 1991-1992 mövsümünədək Çempionlar kuboku adlanmış turnirdə “Real” 12, “Liverpul” 5 zəfər əldə edib.
