Amerika pulun qiymətini sabit saxladı
ABŞ-ın Federal Ehtiyat Sistemi (FES) mayın 2-də uçot dərəcəsinin yuxarı həddini 1,75% səviyyəsində saxlayıb. 1,75%-lik maksimal hədd bu ilin martında qüvvəyə minib.
Novator.az bildirir ki, uçot dərəcəsi kommersiya banklarına verilən borclar üzrə faiz dərəcəsidir. Ölkənin mərkəzi bankı olan FES ötən il uçot dərəcəsinin yuxarı həddini əvvəl 1%-ə, sonra 1,25%-ə, daha sonra 1,5%-ə yüksəltmişdi.
Azərbaycanın Mərkəzi Bankı aprelin 9-da uçot dərəcəsini 13%-dən 11%-ə endirib. 2016-cı ildə uçot dərəcəsi 3%-dən 15%-ə qalxmış, bu il fevralın 12-də 13%-ə düşmüşdü.
