Nazirliyin xidmətlərinə nə qədər müraciət olunub?
Əmək və Əhalinin Sosial Müdafiəsi Nazirliyinin 30-a yaxın elektron xidməti fəaliyyət göstərir. Rəsmi məlumata görə, aprel ayında bu xidmətlərə 1 milyon 335 min dəfədən çox müraciət olunub.
“Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” xidmətinə ötən ay 420 min 17 müraciət qeydə alınıb.
“Məcburi dövlət sosial sığortası üzrə hesabatların təqdim edilməsi” xidmətinə 393 min 73 dəfə müraciət edildiyi bildirilir.
“Tibbi-sosial ekspert komissiyasında sonuncu müayinəyə dair məlumatın verilməsi” xidməti üzrə 77244 müraciət, “İş yerinə dair arayış” xidməti üzrə 61166 müraciət, “Əmək müqaviləsi bildirişləri barədə məlumatların işçilər tərəfindən əldə edilməsi” xidməti üzrə 38275 müraciət olub.
