Dollar, avro və rublun dörd ayı
2018-ci ilin yanvar-aprel aylarında ABŞ dollarının maksimal rəsmi qiyməti 1,7001 manat olub. Bu kurs ilin əvvəlindən martın 7-dək qüvvədə qalıb, həmin gündən isə dollar bankalara 1,7 manata satılır.
Novator.az bildirir ki, avro 2018-ci ilə 2,0431 manatla start verib. Yanvarda son kurs 2,1116 manat, fevralda 2,0781 manat, martda 2,0933 manat olub.
Aprelə 2,0938 manatla başlayan avro ayın 30-da 2,0618 manata təklif edilir.
Dörd ayın ən yuxarı qiyməti fevralın 16-na təsadüf eləyib: 2,1335 manat.
Rusiya rublu 2018-ci ildə yola 0,0297 manatla çıxıb. Yanvar və fevral 0,0302, mart 0,0297 manatla yekunlaşıb. Aprelin son kursu 0,0272 manatdır.
Dörd ay ərzində rublun ən yuxarı rəsmi qiyməti fevralın 27-də qeydə alınıb. Həmin gün Mərkəzi Bank rublu 0,0306 manata satıb.
