Prezidentlər nəçidir?
Azərbaycan prezidenti İlham Əliyev Moskva Dövlət Beynəlxalq Münasibətlər İnstitutunun beynəlxalq əlaqələr fakültəsini bitirib.
Novator.az bildirir ki, qonşu Rusiyanın prezidenti Vladimir Putin Leninqrad Dövlət Universitetinin hüquq fakültəsində və Dövlət Təhlükəsizliyi Komitəsinin Moskva Ali Məktəbində təhsil alıb.
Ermənistan prezidenti Armen Sərkisyan Yerevan Dövlət Universitetinin fizika-riyaziyyat fakültəsində oxuyub.
Gürcüstan prezidenti Georgi Margvelaşvili Tbilisi Dövlət Universitetinin fəlsəfə və psixologiya fakültəsini bitirib, həmçinin Mərkəzi Avropa Universitetində sosiologiya üzrə təhsil alıb.
Türkiyə prezidenti Rəcəb Teyyub Ərdoğan Mərmərə Universitetinin iqtisadiyyat və kommersiya fakültəsində oxuyub. İxtisası biznes idarəçiliyidir.
İran prezidenti Həsən Ruhani Qum dini dairəsində oxuyub, həmçinin Tehran Universitetini və Böyük Britaniyanın Qlazqo Universitetini hüquqşünas ixtisası ilə bitirib.
Qazaxıstan prezidenti Nursultan Nazarbayev Karaqanda Dövlət Sənaye Universitetində metallurgiya mühəndisi ixtisası üzrə ali təhsil alıb.
Özbəkistan prezidenti Şövkət Mirziyayev Daşkənd İrriqasiya və Meliorasiya İnstitutunu mühəndis-mexanik ixtisası ilə bitirib.
Qırğızıstan prezidenti Sooronbay Jeenbekov Qırğız Kənd Təsərrüfatı İnstitutunda zoomühəndis ixtisası, Qırğız Aqrar Universitetində mühasib ixtisası üzrə oxuyub.
Türkmənistan prezidenti Qurbanqulu Berdiməhəmmədov Türkmənistan Dövlət Tibb İnstitutunun stomatologiya fakültəsinin məzunudur.
Tacikistan prezidenti İmaməli Rəhman Tacikistan Milli Universitetinin iqtisadiyyat fakültəsini bitirib.
Ukrayna prezidenti Pyotr Poroşenko Kiyev Dövlət Universitetinin beynəlxalq əlaqələr və hüquq fakültəsində beynəlxalq iqtisadçı ixtisası üzrə ali təhsil alıb.
Belarus prezidenti Aleksandr Lukaşenko Mogilyov Pedaqoji İnstitutunun tarix fakültəsini tarix və ictimaiyyət müəllimi ixtisası, Belarus Kənd Təsərrüfatı Akademiyasını iqtisadçı ixtisası ilə bitirib.
Moldova prezidenti İqor Dodon Moldova Dövlət Aqrar Universitetinin iqtisadiyyat fakültəsini, Moldova İqtisadi Bilik Akademiyasının menecment fakültəsini bitirib, həmçinin Beynəlxalq Menecment İnstitutunda iqtisadi hüquq təhsili alıb.
ABŞ prezidenti Donald Tramp Pensilvaniya Universitetinin Uorton Biznes Məktəbini iqtisadçı ixtisası üzrə bitirib.
Səidə Hüseynova
