Komitə müraciət hesabatı yayıb
Əmlak Məsələləri Dövlət Komitəsi müraciət hesabatı yayıb. Rəsmi məlumata görə, bu ilin ilk rübü ərzində çağrı mərkəzi, onlayn çat, sosial şəbəkə vasitəsilə 6 minə yaxın müraciət daxil olub. Onların 3 min 500-dən çoxu 193 vahid çağrı mərkəzinin, 2 min 500-ə yaxını sosial şəbəkələrin, “Privatization.az” portalının onlayn məsləhət pəncərəsinin payına düşür.
Daxil olan müraciətlərin 5 mindən çoxu Bakıdan, 1000-ə yaxını isə regionlardan ünvanlanıb.
Yanvar-mart aylarında 193 vahid çağrı mərkəzinə ən çox sorğu tipli müraciətlər daxil olub. Müraciətlərin 3000-dən çoxu (89%) sorğu tiplidir.
