Media azadlığı: Azərbaycan Ermənistandan 83 pillə geridədir
Mərkəzi qərargahı Parisdə olan “Sərhədsiz reportyorlar” beynəlxalq hüquq müdafiə təşkilatı media azadlığı hesabatı yayıb. Novator.az-ın məlumatına görə, 180 ölkənin daxil olduğu hesabatda Azərbaycan 163-cü yerdə qərar tutur.
Qonşulardan Gürcüstan 61-ci, Ermənistan 80-ci, Rusiya 148-ci, Türkiyə 157-ci, İran 164-cü pillədə göstərilir.
Hesabat jurnalistlərin fəaliyyəti üçün şərait, ifadə azadlığı imkanları, hüquqi müdafiə, media müxtəlifliyi və müstəqilliyi kimi meyarlara əsaslanır.
Mediası ən azad olan 10 ölkə bunlardır: Norveç, İsveç, Niderland, Finlandiya, İsveçrə, Yamayka, Belçika, Yeni Zelandiya, Danimarka, Kosta Rika.
Reytinqin son pilləsində Şimali Koreya dayanır.
Siyahıda Estoniya 12-ci, Latviya 24-cü, Litva 36-cı, Moldova 81-ci, Qırğızıstan 98-ci, Ukrayna 101-ci, Tacikistan 149-cu, Belarus 155-ci, Qazaxıstan 158-ci, Özbəkistan 165-ci, Türkmənistan 178-ci yerdədir.
