Cavid Şirəliyev azadlığa buraxılıb
7gun.az saytının baş redaktoru olmuş Cavid Şirəliyev azadlığa buraxılıb. Bunu Toplum.tv-yə onun anası Zahirə Şirəliyeva deyib.
Cavid Şirəliyev 2014-cü ilin senytabrında tutulub, 2016-cı ilin mayında Gəncə Şəhər Ağır Cinayətlər Məhkəməsinin qərarı ilə 5 il müddətinə azadlıqdan məhrum edilib. O, hədə-qorxu gəlməklə rüşvət tələb etmədə təqsirli bilinib.
Zahirə Şirəliyeva Toplum.tv-yə bildirib ki, Cavid Şirəliyevin azadlığa çıxması Gəncə Apellyasiya Məhkəməsinin qərarı sayəsində mümkün olub. Belə ki, məhkəmə onun işində Cinayət Məcəlləsinin 62-ci maddəsinin tətbiqinə qərar verib.
62-ci maddə cinayətə görə müəyyən olunmuş cəzadan daha yüngül cəza təyin edilməsi barədədir.
Zahirə Şirəliyeva oğlunun 5 illik həbs cəzasının hansı yüngül cəza ilə əvəz olunduğuna aydınlıq gətirməyib.
Cavid Şirəliyevin adı bəzi hüquq müdafiəçilərinin hazırladığı siyasi məhbus siyahısında idi.
