Milli çempionatlarda vəziyyət necədir?
İtaliya milli futbol çempionatında 34-cü turun oyunları keçirilib. Novator.az-ın məlumatına görə, lider “Yuventus” aprelin 22-si evdə ən yaxın izləyicisi “Napoli”yə 0:1 hesabı ilə məğlub olub. Sona 4 tur qalmış “Yuventus”un 85, “Napoli”nin 84 xalı var. “Latsio” və “Roma” 67, “İnter” 66 xal yığıb.
İspaniya çempionatında ön sırada dayanan “Barselona” 33 oyunda 83 xal götürüb. Bir oyun çox keçirən “Atletiko” 72 xalla ikincidir. “Real” 33 oyunda 68, “Valensiya” 34 oyunda 66 xal əldə edib.
Portuqaliya çempionatında “Benfika”, Türkiyə çempionatında “Qalatasaray”, Ukrayna çempionatında “Şaxtyor”, Rusiya çempionatında “Lokomotiv” (Moskva) liderdir.
Avropanın bir neçə ölkəsində milli çempionatın qalibi erkən bəlli olub. İngiltərədə “Mançester Siti”, Fransada PSJ, Almaniyada “Bavariya”, Hollandiyada PSV qızıl medalları təmin edib.
