Mənzil tikintisinə 960,3 milyon manat gedib
Ötən il Azərbaycanda ümumi sahəsi 2 milyon 14,7 min kvadratmetr olan yeni yaşayış evləri tikilib istifadəyə verilib. Novator.az-ın məlumatına görə, Dövlət Statistika Komitəsi bildirir ki, istifadəyə verilmiş ümumi sahənin 102,9 min kvadratmetri məcburi köçkünlər üçün tikilmiş evlərin payına düşür.
İl ərzində mənzil tikintisində istifadə edilmiş vəsaitin həcmi 960,3 milyon manat olub.
Ölkə vətəndaşları şəxsi vəsaitləri hesabına 2017-ci ildə 11,5 min yaşayış evi tikiblər. Evlərin əksəriyyəti Naxçıvan Muxtar Respublikasında, Bakı, Sumqayıt və Lənkəran şəhərlərində, Abşeron, Şəmkir, Sabirabad, Qazax, Cəlilabad və Tovuz rayonlarında inşa edilib.
