Qırğızıstan hökumətinə başçı seçildi
Aprelin 20-də Qırğızıstan parlamenti yeni baş naziri və hökumətin tərkibini, proqramını təsdiqləyib. Novator.az-ın məlumatına görə, baş nazir postunu Məhəmmədqalıy Əbilqazıyev tutub.
Məhəmmədqalıy Əbilqazıyev 1968-ci ildə anadan olub. Baş nazir kürsüsünə Prezident Aparatının rəhbəri postundan gətirilib.
Qırğızıstan prezidenti Sooronbay Jeenbekov Sapar İsakovun baş nazirlik etdiyi hökuməti aprelin 19-da istefaya göndərmişdi. İstefaya parlamentin hökumətə etimadsızlıq göstərməsi səbəb olmuşdu.
Qırğızıstanda ali icraedici orqan hökumətdir. Hökuməti 120 yerlik parlamentdə deputatların yarıdan çoxunu təşkil edən fraksiya və ya koalisiya qurur. Dövlət başçısı olan prezident isə ümumxalq seçkisində 6 il müddətinə seçilir.
