Müəssisə və təşkilatların sayı 2,3% artıb
Bu ilin yanvar-mart ayları ərzində müəssisə və təşkilatların sayı 2,3% artaraq aprelin 1-nə 121 min 325 -ə çatıb. Novator.az-ın məlumatına görə, Dövlət Statistika Komitəsi bildirir ki, tam xarici investisiyalı və birgə müəssisələri əsasən Türkiyə (32,3%), Böyük Britaniya (7,9%), İran (7,2%), Rusiya (7,1%), ABŞ (3,2%) və Almaniya (2%) sahibkarları yaradıb.
Yeni yaradılmış müəssisə və təşkilatların 98,4%-i xüsusi mülkiyyətli, 1,6%-i dövlət mülkiyyətli müəssisələrin payına düşür.
Qeydiyyatda olan müəssisə və təşkilatların 54,6%-i Bakıda yerləşir. Hesabat dövründə yeni yaradılmış müəssisə və təşkilatların 61,8%-i Bakıda qeydiyyata alınıb.
Aprelin 1-nə hüquqi şəxs yaratmadan qeydiyyatdan keçmiş fərdi sahibkarların sayı 804 minə yaxınlaşıb. Onların əsas hissəsi Bakıda (29,8%), Aran (20,7%), Gəncə-Qazax (14%) və Lənkəran (10,1%) iqtisadi rayonlarında qeydiyyata alınıb.
Fərdi sahibkarların 78,5%-i kişilər, 21,5%-i qadınlardır.
