Kubada yeni lider
Kubada hakimiyyət dəyişib. Novator.az-ın məlumatına görə, ölkə parlamentinin 19 aprel iclasında Raul Kastro Dövlət Şurasının və Nazirlər Şurasının sədri vəzifəsini tərk edib. Həmin vəzifəyə 58 yaşlı Migel Dias-Kanel gətirilib. Migel Dias-Kanel 2013-cü ildən Dövlət Şurası və Nazirlər Şurası sədrinin birinci müavini idi.
Raul Kastro hakim Kommunist Partiyasının birinci katibi postunda qalır.
1959-cu ildə Kubada sosialist inqilabı baş verəndən ölkəyə Fidel Kastro rəhbərlik edib. 2008-ci ildə hakimiyyət onun qardaşı Raul Kastroya ötürülüb.
Fidel Kastro 2016-cı ildə dünyasını dəyişib.
