Yerevan etirazları
Novator.az Ermənistanın paytaxtı Yerevanda aprelin 19-da çəkilmiş fotoları təqdim edir.
Müxalif fəallar ölkə parlamentində 9 deputatla təmsil olunan “Çıxış” blokunun təşəbbüsü ilə aprelin 13-dən Yerevanda aksiyalar keçirir. Vətəndaş Sazişi Partiyasının sədri, “Çıxış” blokunun lideri Nikol Paşinyanın başçılıq etdiyi aksiyalarda Serj Sərkisyanın hakimiyyətinin uzanmasına etiraz bildirilir.
Aprelin 19-da aksiyaçılar bir çox hökumət binasının, o cümlədən baş nazirin iqamətgahı qarşısına toplaşıblar, küçələrdə yürüşlər təşkil ediblər. Polis bəzi fəalları saxlayıb.
Serj Sərkisyan 2008-ci ildən bu il aprelin 9-dək prezident postunu tutub, aprelin 17-si parlamentdə baş nazir seçilib. Həmin gün prezident Armen Sərkisyan Serj Sərkisyanı baş nazir təyin edib. Bununla yeni hökumətin qurulmasına yol açılıb.
Aprelin 9-da tam qüvvəyə minmiş yeni konstitusiyaya görə, baş nazir dövlət idarəçiliyinə ümumi rəhbərliyi həyata keçirən ali vəzifəli şəxsdir.
