Ekoloji cəzalar hesabatı
Ekologiya və Təbii Sərvətlər Nazirliyinin Ətraf Mühitin Mühafizəsi Departamenti 1-15 aprel yoxlamaları barədə hesabat verib. Rəsmi məlumata əsasən, atmosfer havasının, su və torpaq ehtiyatlarının, yerin təkinin, fauna və floranın mühafizəsi, ətraf mühitə məişət və istehsalat tullantılarının yerləşdirilməsi sahəsində qanun pozuntularına görə 139 akt və protokol tərtib olunub, nöqsanların aradan qaldırılması üçün icrası məcburi olan 21 göstəriş verilib.
45 iş üzrə 29200 manat məbləğində cərimə kəsildiyi, dəymiş ziyana görə 14 iş üzrə 1948,9 manat məbləğində iddia qaldırıldığı, ətraf mühitə tullantıların atılmasına və axıdılmasına görə 215 iş üzrə 35813 manat məbləğində ödəmə tətbiq edildiyi bildirilir.
Tədbir görülməsi üçün hüquq mühafizə orqanlarına 9, icra qurumlarına 25 iş göndərilib.
Lalə Bağırlı
