İnternet yasağı Federasiya Şurasından da keçdi
Rusiya parlamentinin yuxarı palatası olan Federasiya Şurası aprelin 18-də internet resursları ilə bağlı yeni cəza qanununa səs verib. Novator.az bildirir ki, qanuna əsasən, vətəndaşın şərəf və ləyaqətinə, işgüzar nüfuzuna, hüquqi şəxsin işgüzar nüfuzuna xələl gətirən məlumatları internet resursundan yığışdırmamaq həmin resursa girişin məhdudlaşdırılmasına gətirəcək.
Hakim Vahid Rusiya Partiyasından bir qrup deputatın təşəbbüsü olan layihə aşağı palatadan – Dövlət Dumasından aprelin 12-də keçib.
Azərbaycanda “İnformasiya, informasiyalaşdırma və informasiyanın mühafizəsi haqqında” qanuna 2017-ci ildə edilmiş dəyişiklik internet informasiya ehtiyatına müraciətin məhdudlaşdırılması mexanizmini nəzərdə tutur. 2017-ci il mayın 12-də Səbail Rayon Məhkəməsinin qərarı ilə Azadliq.info, Azadliq.org, Azerbaycansaati.com, Meydan.tv saytlarına girişə və “Azərbaycan saatı” televiziya proqramının yayımına məhdudiyyət qoyulub.
Səidə Hüseynova
