Güzəştli kreditlərin məbləği açıqlanıb
İqtisadiyyat Nazirliyinin Sahibkarlığa Kömək Milli Fondunun fəaliyyəti dövründə 34 min 963 sahibkara 2,1 milyard manatdan çox güzəştli kredit verilib. Bunu 2009-cu ildən fəaliyyət göstərən fondun icraçı direktoru Şirzad Abdullayev aprelin 18-də açıqlayıb.
Rəsmi hesabata görə, kreditlər hesabına 160 minədək yeni iş yeri açılıb. 75 faizi regionların, 25 faizi Bakı qəsəbələrinin payına düşən kreditlərin 71 faizi aqrar sektorun, 29 faizi sənaye və digər sahələrin inkişafına yönəldilib.
AZƏRTAC bildirir ki, bu ilin birinci rübündə Sahibkarlığa Kömək Milli Fondu 135 sahibkarlıq subyektinə 50 milyon manat güzəştli kredit ayırıb. İl ərzində veriləcək kreditlərin həcminin minimum 170 milyon manat olacağı vurğulanır.
