7 illik müddət başladı
Yenidən Azərbaycan prezidenti seçilmiş İlham Əliyev aprelin 18-i Milli Məclisdə and içərək səlahiyyətlərinin icrasına başlayıb.
İlham Əliyev aprelin 11-də 8 namizədin iştirakı ilə keçirilmiş prezident seçkisində 86,02 faiz səslə 7 il müddətinə prezident seçilib.
Novator.az bildirir ki, 56 yaşlı İlham Əliyev Moskva Dövlət Beynəlxalq Münasibətlər İnstitutunu və həmin təhsil müəssisəsinin aspiranturasını bitirib, tarix elmləri namizədidir. O, 1994-cü ildən Azərbaycanda rəhbər vəzifələr tutur. Azərbaycan Dövlət Neft Şirkətinin vitse-prezidenti, birinci vitse-prezidenti (eyni zamanda Milli Məclisin deputatı), baş nazir olub. 2003-cü il oktyabrın 15-də, 2008-ci il oktyabrın 15-də və 2013-cü il oktyabrın 9-da prezident seçilib.
2016-cı ildə konstitusiyaya edilmiş dəyişikliklə prezidentlik müddəti 5 ildən 7 ilə qaldırılıb.
