İşsizlik müavinətinin orta məbləği 360 manatdır
Dövlət Statistika Komitəsi məşğulluq və işsizlik hesabatı yayıb. Novator.az-ın məlumatına görə, rəsmi açıqlamada qeyd olunur ki, 2018-ci il aprelin 1-nə iqtisadi fəal əhalinin sayı 5 milyon 75,9 min nəfər olub, onların 4 milyon 823,4 min nəfərini məşğul əhali təşkil edib.
Hesabata əsasən, məşğulluq xidməti orqanları 37,3 min nəfəri rəsmi işsiz statusunda qeydiyyata alıb. İşsizlik müavinətinin orta məbləği 360 manat göstərilir.
2018-ci il martın 1-nə ölkə iqtisadiyyatında muzdla çalışan işçilərin sayı 1 milyon 516,5 min nəfər, onların orta aylıq nominal əməkhaqqı 510,8 manat olub.
