İqtisadiyyatda 2,3 faizlik artım var
Dövlət Statistika Komitəsi iqtisadiyyatın durumu ilə bağlı yeni açıqlama yayıb. Novator.az-ın məlumatına görə, qeyd olunur ki, 2018-ci ilin yanvar-mart aylarında ölkənin ümumi daxili məhsulu (ÜDM) əvvəlki ilin eyni dövrünə nisbətən 2,3 faiz artaraq 17 milyard 185,1 milyon manata çatıb.
Rəsmi hesabata əsasən, birinci rübdə informasiya və rabitə sahələrində əlavə dəyər istehsalı 13,2 faiz, nəqliyyat və anbar təsərrüfatı sahələrində 12,5 faiz, turistlərin yerləşdirilməsi və ictimai iaşə sahələrində 7,1 faiz, kənd təsərrüfatı, meşə təsərrüfatı və balıqçılıq sahələrində 4,2 faiz, sənaye və ticarət; nəqliyyat vasitələrinin təmiri sahələrinin hər birində 2,6 faiz, digər xidmət sahələrində 1,3 faiz artıb, tikintidə isə 11,2 faiz azalıb.
Yanvar-mart aylarında 2017-ci ilin eyni dövrü ilə müqayisədə iqtisadiyyatın qeyri-neft sektorunda istehsal olunmuş əlavə dəyərin 2,9 faiz, neft sektorunda isə 1,5 faiz artdığı vurğulanır.
Əhalinin hər nəfərinə düşən ÜDM 1755,7 manat göstərilir.
