Üç ayın ixrac-idxal hesabatı
2018-ci ilin ilk rübündə Azərbaycanın ticarət əməliyyatlarının həcmi 5 milyard 546,1 milyon dollar olub. Novator.az-ın məlumatına görə, Dövlət Gömrük Komitəsinin üç aylıq hesabatında ixracın həcmi 3 milyard 355 milyon dollar, idxalın həcmi 2 milyard 191,1 milyon dollar göstərilir.
İxrac idxalı 1,2 milyard dollar üstələyib.
Hesabata əsasən, yanvar-mart aylarında 146 ölkə ilə ticarət əməliyyatı aparılıb, gömrük orqanları büdcəyə 726,9 milyon manat ödəyib.
2018-ci ildə Dövlət Gömrük Komitəsinin xətti ilə büdcəyə 2 milyard 430 milyon manat daxil olması nəzərdə tutulur.
