Ticarət tərəfdaşları: rüblük hesabat yayılıb
Azərbaycanın əsas xarici ticarət tərəfdaşları açıqlanıb. Novator.az-ın məlumatına görə, Dövlət Gömrük Komitəsi bildirir ki, 2018-ci ilin ilk rübündə əsas tərəfdaş İtaliya olub. Bu ölkə ilə ticarət ümumi dövriyyənin 12,9 faizi həcmində göstərilir.
Türkiyə 10,3 faizlə ikinci, Rusiya 8,9 faizlə üçüncüdür.
İxracda əsas ölkə İtaliyadır: 19,2 faiz. İdxalda isə Rusiya birincidir: 17,3 faiz.
Hesabata görə, ixracın 5,7 faizi MDB ölkələrinin, 46,7 faizi Avropa İttifaqı ölkələrinin, 47,7 faizi digər ölkələrin payına düşür.
İdxalda MDB-nin payı 29,3 faiz, Avropa İttifaqının payı 24,5 faiz, digər ölkələrin payı 46,3 faizdir.
