Dördlük müəyyənləşdi
UEFA Avropa Liqasının 1/4 finalına yekun vurulub. Novator.az-ın məlumatına görə, aprelin 12-də keçirilən cavab oyunlarından sonra Fransanın “Marsel” , İngiltərənin “Arsenal”, İspaniyanın “Atletiko” və Avstriyanın “Zalsburq” komandaları yarımfinala adlayıblar. Bu komandalardan yalnız birinin turnirdə titulu var. 1971-ci ildən keçirilən, 2009-cu ilədək UEFA kuboku adlanmış turniri “Atletiko” 2 dəfə zəfərlə başa vurub.
2017-2018 mövsümündə UEFA-nın klub turnirlərinə 236 komanda buraxılıb. İndi mübarizəni 6 ölkənin 8 komandası davam etdirir, 4 komanda Çempionlar Liqasında, 4 komanda Avropa Liqasında yer alır. İspaniya və İngiltərənin 2, İtaliya, Almaniya, Fransa və Avstriyanın 1 təmsilçisi qalır.
