Hərrac detalları
Əmlak Məsələləri Dövlət Komitəsi aprelin 17-də hərrac keçirəcək. Rəsmi məlumata görə, 10 aprel hərracında 1 kiçik dövlət müəssisəsi, 6 qeyri-yaşayış sahəsi, 8 nəqliyyat vasitəsi özəlləşdirilib.
“Hyundai Sonata” markalı avtomobilin start qiyməti 8500 manat olub, maşın 18200 manata satılıb. Eyni markalı digər avtomobilin qiyməti hərracda 7500 manatdan 12 min manata yüksəlib.
VAZ-21041 markalı avtomobilin hərracında da fəallıq müşahidə edilib. Start qiyməti 1600 manat olan maşın 2400 manata sahibini tapıb.
QAZ-3110 markalı nəqliyyat vasitəsinin hərracında isə 2600 manat təklif edən iştirakçı qalib gəlib. Start qiyməti 1300 manat idi.
