Azərbaycan nefti 75 dollara yaxınlaşdı
Aprelin 12-si dünya birjalarında neftin qiyməti artıb. AZƏRTAC-ın məlumatına görə, “AzəriLayt” markalı neftin bir barrelinin qiyməti 74,48 dollara yüksəlib.
London birjasında “Brent” markalı neftin bir barrelinin 72,11 dollara, Nyu-York birjasında “Layt” markalı neftin bir barrelinin 67,02 dollara qalxdığı bildirilir.
Azərbaycanın 2018-ci il büdcəsində neftin qiyməti 45 dollar hesablanıb. 2018-ci ildə “AzəriLayt” 69,89 dollarla start götürüb.
Energetika Nazirliyinin hesabatına görə, ölkədə gündəlik neft hasilatı 794 min barrel olub. Gündəlik 629,6 min barrel xam neft, 54 min barrel kondensat, 10,6 min barrel neft məhsulları ixrac edilib.
