1/4 final bitdi
UEFA Çempionlar Liqasının 1/4 final mərhələsi bitib. Novator.az-ın məlumatına görə, “Real” aprelin 11-i Madriddə “Yuventus”a 1:3 hesabı ilə uduzsa da, yarımfinala adlayıb. İlk görüş 3:0 hesabı ilə “Real”ın xeyrinə başa çatmışdı.
Evdə “Sevilya” ilə qolsuz heçə-heçəyə razılaşan “Bavariya” da 1/4 finalı dəf edib. Səfər matçında “Bavariya” 2:1 hesabı ilə üstün gəlmişdi.
“Real” 12 dəfə Çempionlar Liqasının qalibi olub. 1955-ci ildə yaradılmış, 1991-1992 mövsümünədək Çempionlar kuboku adlanmış turnirdə “Bavariya” 5 zəfər əldə edib.
