Seçki gedir
Aprelin 11-i Azərbaycanda prezident seçkisi keçirilir. Səsvermə səhər saat 8-də başlayıb.
Novator.az bildirir ki, 125 dairənin 5641 məntəqəsində keçirilən seçkini izləmək üçün 61 beynəlxalq təşkilatı və 59 ölkəni təmsil edən 894 beynəlxalq müşahidəçi qeydə alınıb. Yerli müşahidəçilərin sayı 58175-dir.
Rəsmi məlumata görə, Azərbaycanda 5 milyon 314 min 365 nəfər seçici var.
Prezident postu uğrunda 8 nəfər mübarizə aparır: İlham Əliyev (Yeni Azərbaycan Partiyasının sədri, dövlət başçısı), Araz Əlizadə (Azərbaycan Sosial Demokrat Partiyasının sədri, Milli Məclisin deputatı), Sərdar Cəlaloğlu (Azərbaycan Demokrat Partiyasının sədri), Hafiz Hacıyev (Müasir Müsavat Partiyasının sədri), Fərəc Quliyev (Milli Dirçəliş Hərəkatı Partiyasının sədri, Milli Məclisin deputatı), Qüdrət Həsənquliyev (Bütöv Azərbaycan Xalq Cəbhəsi Partiyasının sədri, Milli Məclisin deputatı), Razi Nurullayev, Zahid Oruc (Milli Məclisin deputatı).
