Seçici fəallığı: ilk dörd saatın rəqəmləri
Mərkəzi Seçki Komissiyası bildirir ki, gündüz saat 12-dək 11 aprel prezident seçkisinə seçicilərin 39,4 faizi qatılıb. Səhər saat 8-də başlayan səsvermə saat 19-da bitəcək.
Rəsmi məlumata görə, Azərbaycanda 5 milyon 314 min 365 nəfər seçici var. Saat 12-yə 2 milyon 93 min 343 nəfərin səs verdiyi bildirilir.
Prezident postu uğrunda 8 nəfər mübarizə aparır: İlham Əliyev (Yeni Azərbaycan Partiyasının sədri, dövlət başçısı), Araz Əlizadə (Azərbaycan Sosial Demokrat Partiyasının sədri, Milli Məclisin deputatı), Sərdar Cəlaloğlu (Azərbaycan Demokrat Partiyasının sədri), Hafiz Hacıyev (Müasir Müsavat Partiyasının sədri), Fərəc Quliyev (Milli Dirçəliş Hərəkatı Partiyasının sədri, Milli Məclisin deputatı), Qüdrət Həsənquliyev (Bütöv Azərbaycan Xalq Cəbhəsi Partiyasının sədri, Milli Məclisin deputatı), Razi Nurullayev, Zahid Oruc (Milli Məclisin deputatı).
