Turizmin 3 aylıq statistikası
Mədəniyyət və Turizm Nazirliyi yeni statistika açıqlayıb. Novator.az-ın məlumatına görə, rəsmi hesabatda bildirilir ki, 2018-ci ilin yanvar-mart ayları ərzində Azərbaycana 627 min 835 nəfər xarici vətəndaş səfər edib, bu da 2017-ci ilin müvafiq dövrü ilə müqayisədə 12,6% artım deməkdir: “Ölkəni ziyarət edən xarici vətəndaşların sayına görə Rusiya (171 min 814 nəfər), Gürcüstan (138 min 909 nəfər), İran (99 min 158 nəfər) və Türkiyə (72 min 733 nəfər) liderlik edib. Birləşmiş Ərəb Əmirliklərindən 29 min 317 nəfər, Ukraynadan 11 min 847 nəfər, İraqdan 11 min 112 nəfər gəlib.
2018-ci ilin ilk 3 ayı ilə keçən ilin müvafiq dövrünü müqayisə etdikdə xüsusi artım tempinə görə seçilən ölkələr Küveyt (614%), BƏƏ (31%), Gürcüstan, Türkiyə (12,7%) və Rusiyadır (6,9%).
İlk rübdə Azərbaycana səfər edən xaricilərin əsas hissəsi MDB ölkələri və Gürcüstan (54,5%), Fars körfəzi və Yaxın Şərq ölkələri (26,5%), Avropa ölkələrinin (14,8%) payına düşüb. MDB ölkələri və Gürcüstan üzrə 9%, Fars körfəzi və Yaxın Şərq ölkələri üzrə 15,9%, Avropa üzrə 9,4% artım müşahidə edilib”.
